قصيدة للشاعر المرحوم الشيخ محمد الصغير الكحلوني - من قبيلة اولاد عواط

      صَلِي عْلَى النْبِي وَ النَبْيَا

      وَ جْمِيعْ مَنْ خْلَقْ رَبِي فَالدَنْيَا

      أنَا حْبِيبَكْ أَرْسُولْ الله

      رَبِي تْمُوتْنِي شْهِيدْ

                             {{{{{{{{}}}}}}}}

      مْنَ اولاَد زَايَدْ وَانَا نَْشْعَرْ

      حَتَى لْشُورْ بُوحَاتَمْ

      أُولاَدْ كَحْلُونْ كِيفْ العَسْكَرْ

      لَعْرَابَه دْبَابْ النَارْ

      الْحَضْرِيه فْى لُوطَه قَتَالَه

      ابَزِيشَنْ  آلحْرَارْ

                         {{{{{{{}}}}}}}

      أنَا حَلْقِي مَبْحَاحَه

      بَاه نْخَالَبْ الْفَلاحَه

      وُنَخْرَجْ للَدْرِي وَ السَاحَه

      خَرْجُو تَتْفَرْجُو آلَبْنَاتْ

      واللِي فَايَحْ رَاجَلْهَا

      طَاحُولْهَا الدْمُوعْ بْكَاتْ

      واللِي عَنْدْهَا بَابَاهَا

      طَبْطَتْ رَاسْهَا وَمْشَاتْ

                             {{{{{{}}}}}}

      العَنْقُودْ قَالْ لَلْعَمْرَانِي

      غَدْوَه فَى الطَهَرْ تَلْقَانِي

      الزْهُو وَالضَحْكْ  بَرْكَانِي

      أنَا فْطَرْتْ الطَمِينْ

                             {{{{{{}}}}}}

      كِنْشَرْفُو شُورْ مْعَالِي

      وَنْزِيدُو لْبُوعِيَاشْ

      آغَبْنِي عْلَى البَقْرَة َ شَابَة

      وُهِيَ تْخُورْ فِي عَبَاسْ

                             {{{{{{}}}}}}

      العَرْقُوبْ وَ العَمْرَانِي

      سَرْحُو دَ النْسَا بَاثْنِينْ

      آغَبْنِي عْلَى البَقْرَة شَابَة

      وُهِيَ تْخُورْ فَالتْشمِينْ

                             {{{{{{}}}}}}

      أنَا قَاعَدْ علَحْجَرْ لَبْيَضْ

      لَمْكَحْلَة بْدَاتْ تَبْرَدْ

      الشِيخْ بَنْ عَلِي  تْنَجَطْ

      بولَدُولْ عَدا   لِيهْ

      مَانْقُولْكُمْ آلَحْرَايَرْ

      زِيدُو حالْمْحَلْ عْلِيهْ

                             {{{{{{}}}}}}

      أنَا قاعَدْ عَالْبِيرَلِي

      البَارودْ وَالرْصَاصْ يِغَنِي

      وَانَا فِي حْمَاكْ آرَبِي

      و الصَالْحينْ وَ السَاداتْ

                             {{{{{{}}}}}}

      مْنَ اولادْ زَايَدْ وانَا نشْكَرْ

      حَتَى لْشُورْ بُوحَاتَمْ

      أُولاَدْ كَحْلُونْ كِيفْ العَسْكَرْ

      لَعْرَابَه دْبَابْ النَارْ

      الْحَضْرِيه فْى لُوطَه قَتَالَه

      ابَزِيشَنْ  آلحْرَارْ

                             {{{{{{}}}}}}

      انَا طَالَعْ فَى الْعَقْبِية

      نلْقَا رْجَالْهُمْ قْوِيَة

      اولادْ زَايَدْ الْعَصْبِيَة

      فُوحَلْ  دَا مْشَاوْ اللِيلْ

                             {{{{{{}}}}}}

      سَبْعَ ا عْرَاشْ دارُو بِنَا

      مَامْنَ النْصَارَة حْنَا جِينَا

      يَا رَبِي الْطَفْ بِنَا

      وَالصَالْحِينْ وَ السَادَاتْ

                             {{{{{{}}}}}}

      قُولُولْهَا لْبَنْتْ مْبِيلَكْ

      مَارَبَاتْ حَبَة تَحْلَكْ

      اولادْهَا دِي حَنْدَاسْ

      لُوكُونْ جَاوْ دْوابْ يْغِيبُو

      يْجِيبُو الْمَلْحْ مَنْ  رجَاصْ

                             {{{{{{}}}}}}

      مْنَ اولادْ زَايَدْ وانَا نشْكَرْ

      حَتَى لْشُورْ بُوحَاتَمْ

      أُولاَدْ كَحْلُونْ كِيفْ العَسْكَرْ

      لَعْرَابَه دْبَابْ النَارْ

      الْحَضْرِيه فْى لُوطَه قَتَالَه

      ابَزِيشَنْ  آلحْرَارْ

                                                     للشاعر الشعبي الشيخ        المرحوم

                                                   محمد الصغير الكحلوني  من قبيلة

                                                      اولاد عواط  , وهو جد لعائلة

                                                         كادون    من اولاد كحلون.

{قيلت هده القصيدة في القرن الثامن عشر الميلادي}.

حكى كلمات القصيدة شفاهيا نقلا عن أبيه: ــ الشيخ

البشير بوربيع  الساكن ببلغيموز.